Вашингтон, 19 март 2026 (МИА) - Американскиот министер за финансии Скот Бесент сигнализираше за можно олеснување на санкциите за иранската нафта што веќе е на море, додека Вашингтон се стреми да ги стабилизира глобалните енергетски пазари поради растечките цени.

„Во наредните денови, може да ја откажат иранската нафта што е на вода“, изјави Бесент за Фокс Бизнис. „Станува збор за околу 140 милиони барели“.

„Всушност, ќе ги користиме иранските барели против Иранците за да ја одржиме цената ниска во следните 10 или 14 дена додека ја продолжуваме оваа кампања“, рече тој.

Вниманието на светот е насочено кон Ормускиот теснец, клучен превозен пат што ја поврзува нафтата од Заливот со глобалните пазари. Поморскиот сообраќај таму е забавен до речиси застој поради иранските напади.

Како одговор на растечките цени на енергијата, САД, исто така, привремено дозволија купување руска нафта што моментално се транспортира по море, во обид да се зголеми глобалната понуда. мс/

фото: ДПА