Бенитез: Милан во моментов е инфериорен во однос на Интер и Јувентус
- Шпанскиот фудбалски стручњак и поранешниот тренер на Наполи, Рафаел Бенитез го сподели своето мислење за фаворитите во Серија А во сезоната 2022/23.
![Бенитез: Милан во моментов е инфериорен во однос на Интер и Јувентус](https://mia.mk/index.php/images/20221113194701_big_730x400_54.webp )
Рим, 11 август 2022 (МИА) – Шпанскиот фудбалски стручњак и поранешниот тренер на Наполи, Рафаел Бенитез го сподели своето мислење за фаворитите во Серија А во сезоната 2022/23.
Според 62-годишниот Шпанец, Милан е инфериорен во однос на Интер и Јувентус по шансите за шампионската титула.
- Пред сите, Интер и Јувентус се фаворити за Скудетото. Невозможно е да се отпише и актуелниот шампион, но моментално Милан е инфериорен во однос на Интер и Јувентус по шансите за победа во Серија А. Исто така, не треба да се заборави и на Наполи, плус Рома која изненади со своите трансфери. Сега Мурињо ја има пријатната задача да се бори за титулата, изјави Бенитез за „La Gazzetta dello Sport“.
Минатата сезона Росонерите станаа шампиони на Италија под водство на Стефано Пиоли.
Тековната сезона во најсилното италијснако првенство започнува на 13 август со натпреварот помеѓу Милан и Удинезе. зс/