Белгија: Зголемена стапката на вработеност од почетокот на пандемијата
- Во споредба со февруари, последниот месец пред почетокот на пандемијата од Ковид-19, стапката на вработени лица во Белгија се зголемила за 4,2 отсто, јавува дописничката на МИА од Брисел.
![Белгија: Зголемена стапката на вработеност од почетокот на пандемијата](https://mia.mk/index.php/images/20221104193225_big_730x400_20.webp )
Брисел, 9 септември 2020 (МИА) – Во споредба со февруари, последниот месец пред почетокот на пандемијата од Ковид-19, стапката на вработени лица во Белгија се зголемила за 4,2 отсто, јавува дописничката на МИА од Брисел.
Ова се податоците од анализата на фирмата за човечки ресурси Асерта објавени денеска.
На почетокот на кризата Белгија воведе привремен систем за лицата што останаа без работа поради вирусот, според Асерта системот се покажал ефикасен. Во јули е констатирано намалувања на барањата за социјална помош за невработените.
Анализата покажала и дека значаен број независни работници и фриленсери влегле на пазарот на трудот во текот на јули, според фирмата ова се должи на „позитивниот ефект на владините мерки“. тм/