Вашингтон, 30 септември 2024 (МИА) - Американскиот претседател Џо Бајден вчера одобри воена помош за Тајван во вредност од 567 милиони долари, соопшти Белата куќа.

Ова е уште еден потег со кој Вашингтон има за цел да ги зајакне одбранбените капацитети на островот во услови на зголемени тензии со Кина, додава агенцијата.

Соединетите држави се највлијателниот меѓународен поддржувач и снабдувач на оружје на Тајван, дури и без формално воспоставување дипломатски односи. Кина постојано ги повикува САД да престанат да продаваат оружје на Тајван, кој го смета за своја територија.

Во соопштението, Белата куќа рече дека Бајден го овластил државниот секретар (Ентони Блинкен) „да го надгледува присвојувањето на 567 милиони долари од Тајван за опрема и услуги на Министерството за одбрана, воено образование и обука“. 

На крајот на април оваа година, Бајден потпиша закон за воена помош за Украина, Израел и Тајван. мс/

фото: МИА архива