Бајден: САД се подготвени да преземат понатамошни дејствија по нападите врз цели поврзани со Иран
- Американскиот претседател Џо Бајден испрати писмо до конгресните лидери откако нареди напади врз неколку локации во Сирија поврзани со Корпусот на гардата на Исламската револуција на Иран, по серијата напади врз американските сили на Блискиот Исток.
![Бајден: САД се подготвени да преземат понатамошни дејствија по нападите врз цели поврзани со Иран](https://mia.mk/index.php/images/20231028084729_big_730x400_50.webp )
Вашингтон, 28 октомври 2023 (МИА) - Американскиот претседател Џо Бајден испрати писмо до конгресните лидери откако нареди напади врз неколку локации во Сирија поврзани со Корпусот на гардата на Исламската револуција на Иран, по серијата напади врз американските сили на Блискиот Исток.
-Нападите беа со цел одвраќање и беа спроведени на начин да се ограничи ризикот од ескалација и да се избегнат цивилни жртви. Ги насочив нападите со цел да го заштитам и одбранам нашиот персонал, да ја прекинам тековната серија напади против САД и нашите партнери и да ги одвратам милициските групи поддржани од Иран и Иран од спроведување или поддршка на понатамошни напади врз објекти и персонал на САД, пишува Бајден.
САД, додава тој, „се подготвени да преземат понатамошни активности за да се справат со понатамошни закани или напади“. мс/
фото: ЕПА