Вашингтон, 9 март 2024 (МИА) - Американскиот претседател Џозеф Бајден денеска го потпиша предлог-законот за владини трошоци, со кој се спречи блокирање на работата на многу клучни владини агенции, објави Белата куќа.

Американскиот Сенат го усвои, непосредно пред истекот на рокот во петокот на полноќ, владиниот пакет за државна потрошувачка во износ од 459 милијарди долари.

Сенаторите гласаа со 75 спрема 22 за да го одобрат пакетот трошоци што ќе ги финансира земјоделството, транспортот, домувањето, енергијата, ветераните и другите програми до крајот на фискалната година на 30 септември.

Претставничкиот дом на Конгресот претходно го усвои овој пакет, со кој ќе се финансираат околу 30 отсто од владините институции, но на гласањето му претходеше противење на некои републиканци кои тврдеа дека мерката не направи доволно за намалување на федералните трошоци. мс/

фото: ЕПА