Артета сака во Арсенал да го донесе Локатели
- Лидерот во Премиер лигата, Арсенал е подготвен да го ангажира играчот од средниот ред на Јувентус, Мануел Локатели ова лето.
![Артета сака во Арсенал да го донесе Локатели](https://mia.mk/index.php/images/20230209213024_big_730x400_66.webp )
Лондон, 9 февруари 2023 (МИА) – Лидерот во Премиер лигата, Арсенал е подготвен да го ангажира играчот од средниот ред на Јувентус, Мануел Локатели ова лето.
Според „Калчомеркато“ , тренерот на „Топчиите“ Микел Артета е заинтересиран за трансфер на играчот. Тој планира да ја засили линијата од средниот ред на тимот.
Јувентус го купи Локатели од Сасуоло за 33,5 милиони евра. Оваа сезона 25-годишниот Италијанец одигра 25 натпревари за торинскиот клуб и нема постигнато гол.
Вредноста на играчот според порталот Трансфермаркт се проценува на 30 милиони евра. зс/