Арсенал ќе го обнови договорот со Артета
- Менаџерот на Арсенал, Микел Артета се очекува наскоро да потпише нов договор со клубот, објави „Скај спортс“.
![Арсенал ќе го обнови договорот со Артета](https://mia.mk/index.php/images/20240821220844_big_730x400_79.webp )
Лондон, 21 август 2024 (МИА) - Менаџерот на Арсенал, Микел Артета се очекува наскоро да потпише нов договор со клубот, објави „Скај спортс“.
Односот меѓу него, спортскиот директор Еду и сопствениците од семејството Кронке е толку добар што нема да има ниту формални преговори.
Според раководството на „топџиите“, клубот допрва може да се развива под водство на Артета. Во моментов, 42-годишниот стручњак има договор до 2025.
Двете страни не брзаат со новиот договор, бидејќи имаат исти идеи за иднината. дс
Фото: Архива