Анчелоти не кажува дали Реал е фаворит во финалето од ЛШ
- Тренерот на Реал Мадрид, Карло Анчелоти не сакаше да каже дали неговиот тим е фаворит за финалето на Лигата на шампионите.
![Анчелоти не кажува дали Реал е фаворит во финалето од ЛШ](https://mia.mk/index.php/images/20240527131433_big_730x400_1.webp )
Мадрид, 27 мај 2024 (МИА) - Тренерот на Реал Мадрид, Карло Анчелоти не сакаше да каже дали неговиот тим е фаворит за финалето на Лигата на шампионите.
-Дали ние сме фаворити? Не размислуваме за тоа. Борусија покажа квалитет и заслужува да биде во финалето. Знаеме само дека ќе ни биде многу тешко и дека ќе треба да се бориме до крај, изјави Анчелоти на прес-конференција.
Претходно Анчелоти го коментираше изборот на составот на Реал Мадрид за финалето на Лигата на шампионите со Борусија.
-Имам една недела да размислам, очигледно имаме некои сомнежи. До петок ќе уживаме во овој момент, финалето. Ќе се подготвиме максимално за тоа и ќе се обидеме да победиме во натпреварот во сабота, рече Анчелоти.
На 1 јуни Реал ќе игра против Борусија Дортмунд во Лондон на „Вембли“ со почеток во 21 часот. зс/
Фото: ЕПА