Манчестер, 26 декември 2024 (МИА) - Агентот на крилниот напаѓач на Манчестер Јунајтед, Антони, откри дека постои „конкретен интерес“ од „многу клубови“ за трансфер на Бразилецот уште во јануарскиот прозорец.

Антони се мачи откако пристигна на Олд Трафорд од Ајакс за 86 милиони фунти во септември 2022 година.

Агентот на Бразилецот откри дека играчот е отворен за позајмица во јануари, а Манчестер Јунајтед допрва треба да донесе одлука за неговата иднина.

-Да, многу клубови ни пристапија за трансферот на Антони во јануари. Сакаа да знаат каква е ситуацијата со него, па можам да потврдам дека постои конкретен интерес. Да бидам искрен, Манчестер Јунајтед никогаш не изразил интерес за продажба. Никогаш не сме добиле таква комуникација од раководството. Можам да кажам дека иднината на Антони е врзана за интересите на Манчестер Јунајтед. Би било добро да го префрлиме Антони на позајмица во јануари за да добие поголема минутажа и да си ја врати самодовербата. Ќе работиме заедно на таа опција, во спротивно, Антони ќе си го врати местото и самиот ќе го покаже најдоброто кај новиот менаџер Рубен Аморим“, изјави агентот Педросо за Гивми спорт. дс

Фото: Архива