Американски Ф-16 се урна над Жолтото Море
- Пилотот на борбениот авион Ф-16 се катапултирал по што јужнокорејската морнарица го извлекла од морето меѓу Корејскиот Полуостров и Кина, соопшти УСФК. Пилотот е во стабилна состојба, а причината за несреќата се истражува.
![Американски Ф-16 се урна над Жолтото Море](https://mia.mk/index.php/images/20231211080557_big_730x400_63.webp )
Сеул, 11 декември 2023 (МИА) - Американски борбен авион се урна за време на тренинг лет над Жолтото Море, објавија денеска американските сили во Кореја (USFK).
Пилотот на борбениот авион Ф-16 се катапултирал по што јужнокорејската морнарица го извлекла од морето меѓу Корејскиот Полуостров и Кина, соопшти УСФК.
Пилотот е во стабилна состојба, а причината за несреќата се истражува.
Авионот полетал од американската воздушна база во Гунсан, во западна Јужна Кореја. Вкупно 28.500 американски војници се стационирани во Јужна Кореја. ссм/
фото: архива/илустрација