Американката Пејтон Тајчер Чик потпиша за шампионот во женски фудбал ,,Каменица Саса"
- Женскиот фудбалски клуб „Каменица Саса" ги засилува своите редови со фудбалерка од Америка. Пејтон Тајчер Чик е новото име, кое ќе игра на позицијата крило, со цел да и помогне на екипата во
![Американката Пејтон Тајчер Чик потпиша за шампионот во женски фудбал ,,Каменица Саса](https://mia.mk/index.php/images/20221112040005_big_730x400_47.webp )
Македонска Каменица, 30 јануари 2022 (МИА) - Женскиот фудбалски клуб „Каменица Саса" ги засилува своите редови со фудбалерка од Америка. Пејтон Тајчер Чик е новото име, кое ќе игра на позицијата крило, со цел да и помогне на екипата во походот кон новиот шампионски пехар.
-Наша нова фудбалерка е Пејтон Тајлер Чик, која ни доаѓа од Сиетл, САД. Откако успешно помина медицински тестови, Пејтон и се приклучи на првиот тренинг на актуелните Шампиони на Македонија.
Со доаѓањето на Пејтон добиваме повеќе на квалитет по крилните позиции, со своето искуство очекуваме пролетниот дел да ни помогне да бидеме уште посилни и порезултатни, се вели во соопштението од клубот од М.Каменица.
Пејтон својот потпис го стави за период од една година, а во зависност од околностите истиот би можел да биде продолжен.
ЖФК ,,Каменица Саса" е двократен фудбалски шампион, а со новото засилување од тимот екипата да дојде и до третиот трофеј. вс/вг/