Ал Хилал ќе му понуди 40 милиони евра на Фулам за Митровиќ, фудбалерот инсистира на трансфер
- Ал Хилал ќе ја подобри понудата на Фулам за Александар Митровиќ.
![Ал Хилал ќе му понуди 40 милиони евра на Фулам за Митровиќ, фудбалерот инсистира на трансфер](https://mia.mk/index.php/images/20230718181103_big_730x400_97.webp )
Ријад, 18 јули 2023 (МИА) - Ал Хилал ќе ја подобри понудата на Фулам за Александар Митровиќ.
Според новинарот Бен Џејкобс, саудискиот клуб е подготвен да му понуди на Фулам 40 милиони евра за српскиот напаѓач.
Митровиќ инсистира да се пресели во Ал-Хилал. Претходно се дозна дека напаѓачот се договорил со клубот за условите на личниот договор.
Беше објавено дека Фулам не го пушта Митровиќ за 30 милиони евра. Одбиена е и втората понуда од 35 милиони евра. Се истакнува дека клубот го смета Митровиќ за неприкосновен. зс/
Фото: Твитер