Леверкузен, 1 септември 2024 (МИА) - Тренерот на Баер Леверкузен, Чаби Алонсо повика на поголема концентрација и поддршка на одбраната, откако германскиот шампион дојде до крајот на нивната импресивна серија без пораз во Бундес лигата со поразот од РБ Лајпциг со 3:2 во саботата.

Баер водеше со 2:0 по головите на Џереми Фримпонг и Алехандро Грималдо, но ја загуби предноста откако Кевин Кампл повлече еден за РБ Лајпциг во судиското продолжение во првото полувреме, а Лоис Опенда постигна два гола по полувремето.

-Ќе извлечеме многу позитивни и негативни поуки од овој натпревар. Одигравме добар натпревар во првото полувреме. Бевме среќни со тоа и сакавме да го надградиме тоа во второто. Немавме контрола во вториот дел и му дадовме премногу простор на Лајпциг. Не се снајдовме добро во одбраната. Ќе научиме од овие грешки. Не е добро да се остави противникот да се врати откако поведовме со 2:0. Но, тоа е процес, се уште сме на почетокот на сезоната, изјави Алонсо на прес-конференција.

Лајпциг ја прекина серијата на Баер Леверкузен од 35 натпревари без пораз, оставајќи го на еден меч од рекордот на Хамбургер од 1982-83 од 36 натпревари без пораз, втор најдолг во Бундеслигата зад серијата од 53 натпревари без пораз на Баерн Минхен под водство на Пеп Гвардиола. дс

Фото: Архива