Ал-Итихад сака да го ангажира Тер Штеген
- Ал-Итихад е заинтересиран за трансфер на голманот на Барселона, Марк-Андре тер Штеген, пренесува Мундо Депортиво.
![Ал-Итихад сака да го ангажира Тер Штеген](https://mia.mk/index.php/images/20240514100412_big_730x400_53.webp )
Мадрид, 14 мај 2024 (МИА) - Ал-Итихад е заинтересиран за трансфер на голманот на Барселона, Марк-Андре тер Штеген, пренесува Мундо Депортиво.
Според шпанскиот спортски портал, клубот од Саудиска Арабија има намера да го придобие германскиот голман на крајот од актуелната сезона. Спортскиот директор на Ал-Итихад Рамон Планес, кој претходно работеше во Барселона, верува дека Тер Штеген добро ќе се вклопи во тимот од Џеда.
Во август, 32-годишниот фудбалер потпиша нов договор со Барселона, кој трае до јуни 2028 година.
Тер Штеген игра за „Блауграна“ од 2014 година. Сезонава одигра 32 натпревари за Барселона во сите натпреварувања, прими 36 гола и ја зачува 14 пати мрежата „чиста“. зс/
Фото: ЕПА