Ал-Итихад му нуди на Салах двегодишен договор за 180 милиони евра
- Ал-Итихад е подготвен да го ангажира напаѓачот на Ливерпул, Мохамед Салах. Според „Ал Ријадија“, саудискиот клуб на Египќанецот му нуди двегодишен договор со плата од 90 милиони евра по сезона.
![Ал-Итихад му нуди на Салах двегодишен договор за 180 милиони евра](https://mia.mk/index.php/images/20230807075647_big_730x400_94.webp )
Ријад, 7 август 2023 (МИА) - Ал-Итихад е подготвен да го ангажира напаѓачот на Ливерпул, Мохамед Салах. Според „Ал Ријадија“, саудискиот клуб на Египќанецот му нуди двегодишен договор со плата од 90 милиони евра по сезона.
Салах минатата сезона забележа 51 настап за клубот, постигнувајќи 30 гола и 16 асистенции. Неговиот договор со „Црвените“ истекува во летото 2025 година.
Од големите фудбалски имиња во Ал-Итихад настапуваат Карим Бензема, Н'Голо Канте и Фабињо.
Претходно, тренерот на Ливерпул, Јирген Клоп, го критикуваше системот на трансфер рокови во Англија во споредба со Саудиска Арабија. „Дејли Мејл“ објави дека Премиер лигата ќе побара од ФИФА да го премести преодниот рок за клубовите од Саудиска Арабија. зс/
Фото: ЕПА