Виена, 20 февруари 2026 (МИА) – Како одговор на предлогот на Европската комисија во следниот повеќегодишен буџет на ЕУ административните трошоци да бидат зголемени за речиси 40 проценти и да бидат отворени околу 2.500 нови работни места, австриската министерка за европски прашања Клаудија Бауер и државниот секретар Александар Прол покренаа иницијатива и го повикаа Брисел да штеди средства, пренесе БТА.

Во писмо до комесарот за буџет Пјотр Серафин, потпишано од уште осум земји од ЕУ, се бара реформите да важат и во рамките на институциите.

„Оној кој бара од државите членки да штедат, мора да почне од сопствениот дом. Во времиња на ограничени буџети, зголемувањето на администрацијата и создавањето дополнителни работни места е погрешен сигнал во погрешно време. Европската комисија е веродостојна само ако ги применува истите стандарди и кон себе“, изјави Бауер во информација од министерството за австриските медиуми.

Новиот буџет е за периодот од 2028 до 2034 година. Генерално, буџетскиот план мора да биде реструктуриран за да стане поедноставен и поефикасен, се вели во информацијата. јт/

Фото: МИА архива