АА: Партиското собрание ќе се одржи во сабота во Скопје
- Алијансата за Албанците денеска испрати соопштение во кое се нагласува дека партиското собрание, согласно статутот на партијата, е закажано за во сабота во Буши ресорт во 13:00 часот, а не во Куманово, како што вчера дел од членовите добиле порака испратена од актуелниот претседател на партијата Арбен Таравари.
![АА: Партиското собрание ќе се одржи во сабота во Скопје](https://mia.mk/index.php/images/20240207133520_big_730x400_34.webp )
Скопје, 7 февруари 2024 (МИА) - Алијансата за Албанците денеска испрати соопштение во кое се нагласува дека партиското собрание, согласно статутот на партијата, е закажано за во сабота во Буши ресорт во 13:00 часот, а не во Куманово, како што вчера дел од членовите добиле порака испратена од актуелниот претседател на партијата Арбен Таравари.
-Дел од членовите на Собранието на Алијансата за Албанците во текот на вчерашниот ден добиле порака за средба во градот Куманово, а потоа и за средба со претседателот на Алијансата на Албанците, Арбен Таравари, соопштија од АА.
- Она што сакаме да ве известиме е дека никој не треба да подлегне на дезинформации дека се одржува партиско собрание, бидејќи како што ќе заклучите од поканата, станува збор за собир и состанок. Партиското собрание, согласно статутот на партијата, е закажано за во сабота во Буши ресорт во 13:00 часот, се наведува во соопштението испратено од имејл на АА. цр/ев/
Фото: АА