Kiev, 1 janar 2025 (MIA) - Presidenti ukrainas Vollodimir Zelenski në fjalimin e tij të Vitit të Ri drejtuar kombit tha se vendi i tij "do të bëjë gjithçka" që ta përfundopjë luftën me Rusinë në vitin 2025.

"Le të bëhet viti 2025 viti i ynë. Viti i Ukrainës. E dimë se paqja nuk do të jepet dhuratë, por do të bëjmë gjithçka që ta ndalim Rusinë dhe t'i japim fund luftës", tha ai në fjalimin e tij, të publikuar në rrjetet sociale.

Zelenski shtoi se Ukraina duhet të luftojë në vitin 2025 në "fushëbetejë", por edhe në "tryezë të negociatave" që t'i jepet fund pushtimit pothuaj trevjeçar rus.

"Çdo ditë në vitin e ardhshëm duhet të luftojmë për Ukrainën, e cila është majftë e fuqishme, pasi vetëm një Ukrainë e tillë do të respektohet dhe dëgjohet", tha Zelenski dhe shtoi se nuk dyshon se presidenti i sapozgjedhur amerikan Donald Tramp ka vullnet dhe është i aftë të arrijë paqen, si dhe t'i japë fund agresionit të Putinit. bsh/

Foto: Fejsbuk