Vazhdon rritja e çmimeve të ushqimit në BE
- Pas rritjeve të konsiderueshme gjatë vitit 2022, çmimet e produkteve ushqimore në BE vazhduan të rriten edhe këtë vit, me ç'rast rritja e tyre u ngadalësua gjatë tremujorit të dytë dhe të tretë, tregojnë të dhënat e Agjencisë Evropiane të Statistikës - Eurostat.
- Post By Ajrije Rexhepi
- 14:07, 2 nëntor, 2023
![Vazhdon rritja e çmimeve të ushqimit në BE](https://mia.mk/images/20231102140701_big_730x400_70.webp )
Bruksel, 2 nëntor 2023 (MIA) - Pas rritjeve të konsiderueshme gjatë vitit 2022, çmimet e produkteve ushqimore në BE vazhduan të rriten edhe këtë vit, me ç'rast rritja e tyre u ngadalësua gjatë tremujorit të dytë dhe të tretë, tregojnë të dhënat e Agjencisë Evropiane të Statistikës - Eurostat.
Siç lajmëroi korrespondenti i MIA-s nga Brukseli, në shtator të vitit 2023, çmimet e vajit të ullirit, vezëve, gjalpit dhe patateve në BE edhe më tej kanë qenë më të larta krahasuar me janarin e vitit 2021, por rritja e tyre është me një ritëm më të ngadalësuar për dallim nga muajt paraprakë.
Ashtu që, në shtator të këtij viti çmimi mesatar i vajit të ullirit ka qenë për 75 për qind më i lartë krahasuar me janarin e vitit 2021, derisa patatet në periudhën e njëjtë janë shtrenjtuar për 53 për qind.
Vezët, ndërkaq, edhe pse çmimet e tyre kanë shënuar ulje të caktuar në gusht dhe shtator të këtij viti, megjithatë janë për 37 për qind më të shtrenjta në krahasim me janarin e vitit 2021. Çmimet e gjalpit ndërkaq në shtator kanë qenë për 25 për qind më të larta sesa në janar të vitit 2021, edhe pse nga dhjetori i vitit të kaluar ka tendencë të uljes së tyre graduale.
Foto: Arkivi i MIA-s