Bejrut, 28 mars 2024 (MIA) - Në sulmet ajrore izraelite mbrëmë vonë u vranë nëntë persona në Libanin jugor, në mesin e të cilëve edhe shpëtimtarë të cilët përgatiteshin që të intervenonin pas sulmit të parë, informuan mediat libaneze. 

Me këtë numri i të vdekurve në sulmet izraelite dje u rrit në 16, sepse në sulmin e mëparshëm ishte goditur edhe një qendër për ndihmë urgjente që ka lidhje me organizatën sunite libaneze, ndërsa shtatë anëtarë të saj ishin vrarë. 

Në ndërkohë, organizata ekstremiste shiite Hezbollah e mori përgjegjësinë për sulmin me raketa ndaj qytetit izraelit Kirjat Shmona në veri, në të cilin u vra një person. 

Armata izraelite njoftoi se ka goditur një kompleks ushtarak të Hezbollahut në Teir Harfa dhe "qeli terroriste" në Nakura. fc/

Fotografia: Arkivi i MIA-s