Bruksel, 6 shtator 2024 (MIA) - Vera e vitit 2024 është më e ngrohta në hemisferën veriore të regjistruar ndonjëherë. Temperatura mesatare globale nga qershori deri në gusht 2024 ishte rekord më e lartë 0.69 gradë Celsius më e lartë se mesatarja tre mujore e regjistruar midis vitit 1991 dhe vitit 2020, publikoi sot Shërbimi për ndryshime klimatike të Bashkimit Evropian Kopernik.

"Vendi ka përjetuar qershorin dhe gushtin më të nxehtë, ditën më të nxehtë të regjistruar dhe verën më të nxehtë të regjistruar. Ky varg temperaturash rekord e bën më të mundshëm që viti 2024 të jetë si viti më i nxehtë i regjistruar deri tani", deklaroi zëvendësdrejtoresha e Kopernikut, Samanta Burxhis.

Ajo shtoi se temperaturat në të ardhmen do të jenë më intensive nëse nuk merren masa urgjente për uljen e gazrave serrë.

Temperatura mesatare në Evropë gjatë tre muajve të verës ishte më e larta ndonjëherë, me 1.54 gradë Celsius mbi mesataren në krahasim nga viti 1991 deri në vitin 2020, duke tejkaluar rekordin e mëparshëm prej 1.34 gradë Celsius të vendosur në vitin 2022.

Sipas raportit të Kopernikut, kushtet ka qenë më të lagështa se mesatarja në Evropën Perëndimore dhe Veriore. Në pjesën më të madhe të rajonit të Mesdheut dhe Evropës Lindore, kushtet kanë qenë më të thata se mesatarja, duke çuar në thatësira ​​në disa vende.

Për periudhën nga shtatori 2023 deri në gusht të vitit 2024, temperatura mesatare globale ka qenë 1.64 gradë Celsius më e lartë se mesatarja para industriale, tregojnë të dhënat e Kopernikut. rq/

Foto: arkivi i MIA-s