Karxhali, 18 mars 2025 (MIA) - Drejtuesit e klubit bullgar të futbollit "Arda" i kanë kërkuar falje ish lojtarit të klubit, Petko Gançev për një minutë heshtje organizuar në kujtim të tij.

"Udhëheqësia e klubit 'Arda' i kërkon ndjesë ish lojtarit të klubit Petko Gançev dhe të afërmve të tij për faktin se klubi ka marrë informacione të pasakta për kinse vdekjen e tij. Petko Gançevit i urojmë edhe shumë vite shëndet dhe suksese", thuhet në komunikatën e klubit.

Arda më 16 mars në ndeshjen e xhiros së 25-të të kampionatit bullgar luajti baras me Levskin në terren nikoqir - 1:1. Para fillimit të ndeshjes është mbajtur një minutë heshtje në nderim të 78-vjeçarit Gançev.

Gjatë ndeshjes, Pres shërbimi i klubit demantoi informacionin për vdekjen e ish anëtarit të tij.

Vetë Gançevi tha se nuk do të fajësojë askënd për skandalin, ndonëse nuk i ka ardhur mirë pasi mori vesh lajmin.

Foto: KF Arda