Londër, 14 mars 2025 (MIA) - Trajneri i reprezentacionit të Anglisë, Tomas Tuhel, ka publikuar formacionin e tij të parë për ndeshjet e ardhshme kualifikuese në mars. Më datën 21 të këtij muaji ata presin Shqipërinë në një ndeshje në "Uembli", ndërsa tre ditë më vonë në Londër do të arrijë Letonia.

Trajneri gjerman mori disa vendime interesante, ndërsa skuadra e shpallur ndryshon dukshëm nga përzgjedhjet e fundit nën drejtimin e Geret Sautgejtit dhe më pas pasardhësin e tij të përkohshëm, Li Karsli.

Është mbresëlënës rikthimi i Markus Rashfordit, pasi transferimi i tij te Aston Villa tregoi se ai po kthehet në formë dhe tashmë ka shënuar katër asistime. Një tjetër emër befasues mes të ftuarve është ai i Xhordan Henderson i cili aktualisht është lojtar i Ajaksit, si dhe talenti i ri i Arsenalit, Majls Luis-Skelli.

Ndër përzgjedhjet e Tuhelit janë edhe Dan Birn, për të cilin kjo nuk është ftesa e parë, por ende nuk ka debutuar për ekipin, si dhe Morgan Roxhers i cili debutoi në fund të vitit të kaluar.

Është interesante edhe vendimi për të thirrur katër portierë, pasi përveç emrave të pritshëm të Xhordan Pikfordit dhe Din Hendersonit po rikthehen edhe Aron Ramsdejl dhe Xhejms Traford i cili aktualisht luan në Çempionship me Barnlin.

Skuadrës i mungon një emër i rëndësishëm për Anglinë vitet e fundit, siç janë Hari Megvaer si dhe Konor Gallager, Morgan Gibs-Uajt dhe Adam Uarton. qa/

Foto: arkivi