Четири лица загинаа во украински напад со дронови врз фабрика за ѓубрива во руската Смоленска област
Москва, 25 февруари 2026 (МИА) – Четири лица вработени во фабрика за ѓубрива загинаа, а 10 се ранети во украински напад со дронови во Смоленската област, западна Русија, соопшти гувернерот на областа Василиј Анохин на Телеграм.
„Нападнато беше цивилното мирно претпријатие ’Дорогобуж‘. Четири лица вработени во претпријатието трагично загинаа при извршување на својата службена должност. Десет се ранети. Сите ранети се пренесени во здравствена установа“, напиша Анохин.
„Дорогобуж“ е претпријатие специјализирано за производство на минерални ѓубрива. јт/
