Хаканен вели дека заменувањето на американскиот нуклеарен чадор со европско решение засега е нереално
Хелсинки, 10 февруари 2026 (МИА) - Финскиот министер за одбрана Анти Хаканен изјави дека во оваа фаза е „нереално“ американскиот нуклеарен чадор да биде заменет со европско решение.
Во исто време, тој ги поздрави дискусиите за нуклеарно одвраќање на европско ниво.
- Соединетите Американски Држави се целосно посветени на нуклеарното одвраќање во рамките на НАТО. Ако Европа планира да инвестира повеќе во нуклеарното одвраќање на Франција или Обединетото Кралство, тоа може да биде само за добро“, нагласи Хаканен. рп/ми/
Фото: ЕПА
