Вашингтон, 12 февруари 2026 (МИА) – Американски воен брод и брод за снабдување на морнарицата вчера се судрија при полнење гориво, соопшти денеска Јужната команда на САД, но не е наведена точната локација.

Разурнувачот со наведувачки ракети од класата „Арли Бурк“, „УСС Трукстун“, и бродот за брза борбена поддршка „УСНС Саплај“ се судрија за време на дополнување на гориво.  Двајца членови на екипажот пријавиле полесни повреди и се во стабилна состојба, се наведува во соопштението.

Инцидентот е под истрага, а двата брода безбедно ја продолжија пловидбата.

„Волстрит џурнал“ објави дека судирот се случил во близина на Јужна Америка. ми/

фото: МИА архива