Скопје, 7 март 2026 (МИА) - Полициски службеници од ОВР Кавадарци вчера го привеле А.Т.(45) од Дојран, кој се сомничи дека учествувал во извршување на кривично дело „измама“, при што била оштетена 81-годишна кавадарчанка за сума од 300.000 денари.

МВР соопшти дека на 05.03.2026, 81-годишната кавадарчанка пријавила дека едно лице ја контактирало телефонски, се претставило како лекар и ѝ кажало дека нејзината ќерка е во болница со скршеница и треба да се изврши оперативен зафат за што требало да плати. Откако се договориле, излегла пред својот дом и парите му ги дала на машко лице, а подоцна сфатила дека е измамена.

Во службен разговор, А.Т. го признал делото. За настанот е известен јавен обвинител. По документирање на случајот, против него ќе биде поднесена соодветна пријава.са/