Виница, 25 март  2026 (МИА) - Со пригодна програма и доделување на благодарници, во организација на ОО Црвен крст од Виница, вчера вечер е одбележан 17 Март - Светскиот ден на крводарителите.

-Доброволното дарување крв е една од најхуманите вредности, а Виница и понатаму го задржува приматот на град со најголем број дарувани единици крв, позиција која ја гради со децении и ја одржува како вистински пиедестал на хуманоста, рече во своето обраќање на свеченоста, градоначалникот Митко Костадиновски.

И како човек и како градоначалник , но и како крводарител, додаде, ќе продолжам силно да ја поддржувам оваа благородна мисија и да се залагам за нејзино континуирано унапредување.

Во рамки на настанот беа доделени благодарници и награди за јубилејно крводарување - за дарувани 25, 50, 75 и 100 единици крв, на крводарители кои во текот на 2025 година ги достигнале овие значајни бројки. Дополнително, признанија добија и институции и здруженија на граѓани кои континуирано даваат поддршка на активностите на Општинската организација на Црвен крст од Виница.

Настанот беше збогатен со повеќе културни содржини, кои придонесоа за достоинствено и свечено одбележување на овој значаен датум за сите крводарители. ис/вј/

Фото: Црвен крст Виница