Скопје, 29 април 2026 (МИА) - По денешниот состанок на работната група за Изборниот законик, координаторот на пратеничката група на Левица, Борислав Крмов, посочи дека однесувањето на СДСМ отвора сериозни сомнежи за нивните вистински намери во процесот, стои во партиското соопштение, што МИА го пренесува интегрално.

-Ние уште од почетокот на процесот за измена или нов Изборен законик, изразивме сомнеж за искреноста на политичките актери - дали навистина се прави Изборен законик или само се води процес што нема да заврши со резултат. Тоа што СДСМ не дојдоа денес е тенденциозно. Нашите сомнежи се дека ова е обид повторно да се цензурира Левица за наредните избори, затоа што од СДСМ очигледно се чувствуваат загрозени - изјави Крмов.

Крмов оцени дека во состојба на внатрешен хаос и неспособност во СДСМ, единствениот преостанат адут им е да ги задржат нефер условите на теренот.

Левица