Техеран, 12 април 2026 (МИА) – Иран очекува во рок од еден до два месеца да обнови 70 до 80 отсто од капацитетите на оштетените рафинерии и дистрибутивни постројки, изјави заменик-министерот за нафта, Мохамед Садек Азимифар.

Тој за иранските медиуми изјави дека активностите за санација се веќе започнати, а дел од рафинеријата Лаван, на истоимениот остров на југот на Иран, би можел да продолжи со работа во рок од десетина дена. Останатите капацитети ќе се враќаат во функција постепено.

Иранските нафтени и гасни постројки, вклучувајќи ги и клучното поле Јужен Парс и рафинеријата Лаван, беа цел на интензивни напади од САД и од Израел во март, што доведе до раст на цената на нафтата на околу 120 долари за барел. ссм/

фото: архива