Скопје, 23 јануари 2026 (МИА) - Пилотите на Дирекцијата за заштита и спасување (ДЗС) денеска ги извршија првите тренажни летови со противпожарните авиони „ер трактор“ на Дирекцијата.

Како што соопшти директорот на ДЗС, Стојанче Ангелов, пилотите работеле на тестирање маневри и оперативни процедури за брзо реагирање при појава на пожар на отворен простор. Со тренажните активности, додаде тој, биле проверени и потврдени ефикасноста и подготвеноста на екипажите, како и техничката исправност на трите авиони „ер трактор“, кои се во состав на Дирекцијата. бк/вг/

фото: ДЗС