Бахреин, 11 февруари 2026 (МИА) - Возачот на Ред Бул, Макс Верстапен, го извози најбрзиот круг во утринската сесија на првиот ден од претсезонските тестирања на Формула 1 во Бахреин.

Дваесет и осумгодишниот Холанѓанец го возеше својот најдобар круг со време од 1 минута и 35,433 секунди.

Оскар Пјастри од Мекларен заврши втор, со заостанување од 0,169 секунди. 

Џорџ Расел од Мерцедес заврши трет, со заостанување од 0,675 секунди.

Луис Хамилтон од Ферари заврши четврти, со заостанување од 1 секунда.

Првата трка од сезоната 2026, Големата награда на Австралија, ќе се одржи во Мелбурн од 6 до 8 март. зс/

Фото. ЕПА