Париз, 3 март 2026 (МИА) – Шефот на француската дипломатија Жан-Ноел Баро денеска изјави дека Париз е подготвен да ги брани партнерите на Блиски Исток и оти го задржува правото да интервенира, ако тие побараа помош поради напади од Иран.

По американско-израелскиот напад врз Иран, Техеран нападна повеќе арапски држави, каде има американски бази.

Баро посочи дека државите со кои Франција има одбранбени договори и кои имаат воени бази би можеле да бидат вовлечени во конфликт.

Лидерите на Франција, Германија и Велика Британија претходно во заедничко соопштение побараа Иран да ги прекине нападите врз соседните држави, меѓу кои има и „блиски сојузници“ на Париз, Берлин и Лондон и изразија подготвеност да преземат „пропорционално одбранбени акции“.

Баро посочи и дека француските борбени авиони Рафал извршиле операции за обезбедување на воздушниот простор над француските бази во регионот. миј/сд/

фото: МИА архива