Вашингтон, 9 август 2025 (МИА) - Администрацијата на претседателот на САД, Доналд Трамп, побара од Универзитетот во Калифорнија во Лос Анџелес (UCLA) спогодба во износ од милијарда долари, јави Си-Ен-Ен.

Минатата недела, федералната влада замрзна милиони средства наменети за тој универзитет, а неговиот ректор, Хулио Франк, предупреди во писмо до академската заедница дека 584 милиони долари се суспендирани и се во опасност, што, според него, може да има катастрофални последици за научно-истражувачката активност на институцијата.

Претставниците на UCLA, според извори блиски до преговорите, се вратија на преговарачката маса и изразија подготвеност да постигнат договор за деблокирање на средствата, наведува Си-Ен-Ен, додавајќи дека администрацијата на Трамп наместо тоа бара спогодба од милијарда долари. зш/
фото ЕПА