Vrasja në Debresh, një person arrestohet
- Një person ka ndërruar jetë nga lëndimet e shkaktuara me armë zjarri, pasdite në fshatin Debresh të Gostivarit. Dy persona dyshohen se kanë qëlluar me armë automatike, ndërsa policia ka arrestuar njërin prej të dyshuarve. Sipas informacioneve nga zëdhënësi i SPB Tetovë, Fatmir Rexhepi, rreth orës 17:15 në SPB Tetovë është raportuar se në fshatin Debresh të Gostivarit është shtënë me armë automatike në drejtim të RK (35) nga Debreshi.
![Vrasja në Debresh, një person arrestohet](https://mia.mk/images/20240723194917_big_730x400_76.webp )
Gostivar, 23 korrik 2024 (MIA) - Një person ka ndërruar jetë nga lëndimet e shkaktuara me armë zjarri, pasdite në fshatin Debresh të Gostivarit. Dy persona dyshohen se kanë qëlluar me armë automatike, ndërsa policia ka arrestuar njërin prej të dyshuarve. Sipas informacioneve nga zëdhënësi i SPB Tetovë, Fatmir Rexhepi, rreth orës 17:15 në SPB Tetovë është raportuar se në fshatin Debresh të Gostivarit është shtënë me armë automatike në drejtim të RK (35) nga Debreshi.
"Si kryerës të dyshuar të veprës janë vëllezërit J.V dhe B.V. nga i njëjti fshat. Ata në momentin e ekzekutimit ndodheshin në automjetin tip "Volvo" me targa zvicerane. Njëri prej tyre, B.V. është arrestuar. Prej tij është marrë arma automatike me të cilin e ka kryer krimin", sipas zëdhënësit Rexhepi.
Në vijim janë masat dhe hetimet shtesë për zbardhjen e rastit.
Debreshi është një nga fshatrat më të populluara në Komunën e Gostivarit.
Foto: MIA