Tenenti: UNIFIL nuk do të tërhiqet nga Libani, edhe pse Izraeli kërkon zhvendosje
Bejrut, 18 tetor 2024 (MIA) - Zëdhënësi i misionit paqeruajtës UNIFIL, Andrea Tenenti, sot deklaroi se misioni prej 10 mijë njerëzve, do të qëndrojë në Liban përkundër disa sulmeve të drejtpërdrejta nga forcat izraelite në ditët e fundit, të cilat i cilësoi si të qëllimshme.
"Duhet të rrimë, na kërkuan të lëviznim. Shkatërrimi i shumë fshatrave përgjatë Linjës së kaltër, dhe madje edhe më gjerë është tronditës, tha Tenenti përmes një video-lidhjeje nga Bejruti.
I pyetur për rrëzimin e djeshëm të një droni pranë një anijeje të UNIFIL në bregun libanez, ai deklaroi se droni erdhi nga jugu, por rrethoi anijen dhe u afrua shumë afër, vetëm pak metra larg anijes.
Izraeli kërkoi që UNIFIL të largohej nga pozicionet e tij në Libanin jugor në mënyrë që të mund, siç theksoi, të eliminonte anëtarët e grupit militant libanez Hezbollah në atë rajon, afër kufirit izraelit.
Pesë anëtarë të UNIFIL janë plagosur ditët e fundit në tre sulme të veçanta izraelite në Libanin jugor. ls/
Foto: Arkiv