Teheran, 15 prill 2026 (MIA) - Në kryeqytetin iranian Teheran është raportuar një sulm me bomba, për herë të parë që nga fillimi i luftës me SHBA-në dhe Izraelin. 

Tre persona janë lënduar në dy shpërthime në qendrën e qytetit, njoftuan sot mediat iraniane. 

Në sulm janë përdorur mjete shpërthyese të improvizuar, duke dëmtuar ndërtesat përreth.  

Gjendja është nën kontrollë, deklaroi komandanti lokal i Gardës Revolucionare Iraniane.

Komandanti i akuzoi "tradhëtarët e atdheut" për sulmin. 

Sipas mediave iraniane, besohet se shpërthimet janë kryer në bazën e gazit. Asnjë grup nuk e ka marrë përgjegjësinë e sulmit. 

Raporte për shpërthime në Teheran janë paraqitur edhe në rrjetet sociale. 

Në luftën me Iranin tashmë prej një jave është në fuqi armëpushimi, pas fillimit të sulmeve ajrore mes SHBA-së dhe Izraelit më 28 shkurt.

Gjatë luftës, disa figura të larta politike dhe ushtarake iraniane në Iran u vranë në sulmet mes SHBA-së dhe Izraelit, përfshirë edhe udhëheqësin suprem, ajatollahun Ali Hamnei. Irani u kundërpërgjigj me sulme raketore ndaj Izraelit dhe vendeve në rajon që janë aleatë të SHBA-së.

Sulmet me bomba janë jashtëzakonisht të rralla në Republikën Islamike. qa/

Foto: Arkivi i EPA-s