Shkup, 17 prill 2025 (MIA) - Shtatë nga gjithsej 24 personave të dyshuar për zjarrin në Koçan iu zëvendësohet masa e paraburgimit me arrest shtëpiak, njofton Gjykata Themelore e Koçanit.

"Pas propozimeve të paraqitura për caktimin e masës së paraburgimit në bazë të Urdhrit të miratuar për procedurë hetimore Ko nr. 180/25 të datës 20.03.2025 të Prokurorisë Themelore Publike në Koçan, nga gjyqtari i procedurës paraprake janë caktuar gjithsej 24 - njëzet e katër masa për sigurimin e prezencës - paraburgimit, nga të cilat me ankesë të të dyshuarve përmes mbrojtësve të tyre masa e shqiptuar e paraburgimit  zëvendësohet me arrest shtëpiak për tre të dënuar, ndërsa në vazhdim të procedurës, me propozim të Prokurorisë Themelore Publike të Koçanit për zëvendësimin e masës së paraburgimit me arrest shtëpiak, katër të dyshuarve iu shqiptua arresti shtëpiak", thuhet në kumtesën e publikuar në ueb faqen e Gjykatës.

Lidhur me të gjithë të dyshuarit, pas propozimeve për caktimin e masës së prezencës sipas Urdhrit për zbatimin e procedurës hetimore Ko nr. 180/25 të datës 20.03.2025  të lëshuar nga Prokuroria Themelore Publike e Koçanit, është paraqitur propozim për vazhdimin e masave të shqiptuara në Gjykatën Themelore të Koçanit dhe me propozimin e mëparshëm për vazhdimin e masave të caktuara paraprake për sigurimin e pranisë veprohet në  afatet e caktuara ligjore.

"Pas propozimeve të paraqitura për përcaktimin e masave për sigurimin e pranisë dhe bazuar në Urdhrin e miratuar për Zgjerimin e Procedurës Hetimore për Persona të Rinj Ko nr. 180/25 të datës 12.04.2025 në PTHP Koçan, për 19 të dyshuar nga të cilët për 4 të dyshuar ishte propozuar masa e paraburgimit e cila me vendim të Gjyqtarit të procedurës paraprake ishte përcaktuar ndaj personave të njejtë,  ndërsa për 8 të dyshuarit është propozuar masa e arrestit shtëpiak, ndërsa nga gjyqtari i njejtë i procedurës paraprake ishte përcaktuar ndaj këtyre 8-të personave të dyshuar, ndërsa ndaj shtatë të dyshuarve ishin propozuar masa kujdesi dhe të njejtat me vendim të procedurës paraprake janë shqiptuar ndaj të dyshuarve", thuhet në kumtesën e GJTH të Koçanit.

Pas paraqitjes së ankesave nga të dyshuarit, Këshilli në Gjykatën Themelore të Koçanit, në afatin e paraparë ligjor vepron ndaj tyre dhe kur të vendoset nga ky Këshill, gjykata sërish do të shpallë përfundimin e procedurës nga veprimi i Këshillit sipas nenit 25 paragrafi 5 i LPP.

Sipas informacioneve të disa mediave, në mesin e personave të cilëve u është zëvendësuar paraburgimi me arrest shtëpiak janë edhe ish kryetari i Komunës së Koçanit, Ljupço Papazov dhe ish drejtori i Inspektoratit Shtetëror të Tregut, Goran Trajkovski, si dhe një pjesëtar i sigurimit në diskotekën  “Puls”. sa/

Foto: Arkivi i MIA-s