Pekin, 18 shkurt 2026 (MIA) - Një shpërthim në një dyqan fishekzjarrësh në provincën Hubei të Kinës sot mori jetën 12 personave, raportuan mediat shtetërore, incidenti i dytë i tillë gjatë festimeve të Vitit të Ri kinez.

Shërbimet për raste urgjente shuan zjarrin në dyqanin e fishekzjarrëve në qytetin Sjangjang dhe shkaku i shpërthimit është aktualisht nën hetim, raportuan mediat kineze.

 Fishekzjarrët përdoren gjerësisht gjatë festimeve të Vitit të Ri Hënor në Kinë, por përdorimi i tyre është shpesh shkaku i aksidenteve të shumta.

 Një tjetër aksident në një dyqan fishekzjarrësh në provincën lindore Xhangsu të dielën humbën jetën tetë persona, ndërsa dy u lënduan.

 Autoritetet thanë se një burrë ndezi fishekzjarrë pranë dyqanit.

Ministria për Gjendje të Jashtëzakonshme lëshoi ​​dje një paralajmërim kundër përdorimit të fishekzjarrëve, duke thënë se ato paraqesin "rrezik më të madh" gjatë festave.

 Foto: Arkivi