Shkup, 12 maj 2026 (MIA) - Mbi 50 mijë euro janë shpenzuar deri tani për procedurën hetimore për furnizimin e mazutit për TEC Negotinë, informoi sot prokurorja Katerina Kolareviq në brifingun me gazetarët, pas vendimit të Prokurorisë Themelore Publike për Ndjekjen e Krimit të Organizuar dhe Korrupsionit (PTHP NKOK) për ta ndërprerë hetimin.

Nga Prokuroria arsyetuan se pas hetimin të zbatuar një vjeçar nuk u konfirmuan pretendimet e kallëzimit penal, prandaj nuk u vërtetua ekzistenca e veprës penale për të ndjekur penalisht sipas detyrës zyrtare.

"Nga dëshmitë e mbledhura nuk u konfirmua se të dyshuarit i kanë kryer veprat penal për të cilat akuzohen, as nuk është vërtetuar ekzistenca e një vepre tjetër penale që ndiqet sipas detyrës zyrtare", citohet në kumtesën zyrtare të PTHP NKOK.

Në kumtesë sqarohet se objekt i hetimit ishte dyshimi për keqpërdorime në thirrjet publike, lidhje të paligjshme të kontratave dhe anekseve, si dhe pastrim parash, gjatë një periudhe kur furnizimet kryheshin në kushte krize energjetike. Gjatë procedurës u analizua dokumentacion i gjerë material, dokumente financiare dhe kontraktuale, gjetje dhe mendime të ekspertëve, si dhe deklarata nga dëshmitarë nga SHA EMV, TEC Negotinë dhe operatorë ekonomikë me licencë për tregti me mazut. Prokuroria vlerëson se procedurat janë kryer në përputhje me përjashtimet ligjore.

"Hetimi përcaktoi se procedurat u zhvilluan në mënyrë transparente. EMV synonte të përfshinte të gjithë operatorët që kishin licenca për tregtinë e mazutit në interes të dorëzimit më të shpejtë të mazutit, me ç'rast të gjithë operatorët ekonomikë që kishin licencë u kontaktuan dhe në disa nga thirrjet publike ata u ftuan të merrnin pjesë me njoftim, dhe disa nga thirrjet publike u botuan edhe në gazetat ditore. Nga deklaratat e përfaqësuesve të operatorëve ekonomikë, doli se disa nga kompanitë nuk morën pjesë në procedura për shkak të vlerësimeve afariste dhe ekonomike, pra për shkak të sasive të larta, garancive të nevojshme bankare dhe rreziqeve që lidhen me gjendjen e atëhershme të tregjeve të energjisë", njoftojnë nga PTHP NKOK. 

Shpjegimi zyrtar thotë gjithashtu se mazuti është dorëzuar në kohë dhe vazhdimisht dhe se gjatë periudhës kritike, prodhimi i energjisë elektrike nuk është vënë në dyshim, as nuk janë shkaktuar kufizime. Hetimi, sipas prokurorisë, nuk ka vërtetuar ndonjë dëm për SHA EMV ose buxhetin e shtetit.

"Lidhur me dinamikën e furnizimit të mazutit, provat e mbledhura, dokumentacioni dhe deklaratat e përfaqësuesve të SHA EMV dhe TEC Negotinë treguan se mazuti furnizohej vazhdimisht dhe me kohë në përputhje me nevojat e termocentralit, dhe në asnjë moment nuk ishte vënë në dyshim procesi i prodhimit të energjisë elektrike. Sipas provave, gjatë periudhës kritike nuk kishte kufizime në furnizimin me energji elektrike, dhe prodhimi në TEC Negotinë mundësoi sigurimin e energjisë elektrike me çmime dukshëm më të ulëta se çmimet në tregun e lirë", shtojnë ata.

Njëherit, theksojnë se në procedurë nuk është konfirmuar se me marrëveshjet e lidhura dhe anekset është shkaktuar dëm në SHA EMV ose në Buxhetin e shtetit.

"Përkundrazi, provat treguan se ndryshimet në planin vjetor të prokurimit publik dhe përfundimi i anekseve u zbatuan me vendime të organeve kompetente të SHA EMV, me vendime të Bordit të Drejtorëve dhe u konfirmuan me vendime të Bordit Mbikëqyrës të EMV-së, me qëllim sigurimin e sasive të mjaftueshme të mazutit për funksionimin e pandërprerë të TEC Negotinë", theksojnë nga PTHP NKOK.

Në lidhje me dyshimet për larje parash, prokuroria arrin në përfundimin se mjetet e paguara nuk paraqesin interes pronësor të fituar në mënyrë të paligjshme dhe se transaksionet financiare nuk mund të trajtohen si larje parash ose mbulim të mjeteve të fituara në mënyrë ilegale.

Me ndërprerjen e hetimit, biznesmenët Asmir Jahoski, pronar i "Pucko Petrol", dhe Ratko Kapushevski, pronar i "RKM", të cilët ishin ndër të dyshuarit kryesorë në rastin me vlerë 167 milionë euro, mbetën pa akuza. Jahoski ishte në paraburgim gjatë procedurës dhe më vonë u mbrojt me kusht prej mbi dy milionë eurosh, ndërsa Kapushevski u mbrojt në liri.

Hetimi përfshiu gjithsej 13 persona, mes të cilëve edhe ish drejtorin e EMV-së Vasko Kovaçevski, i cili është në arrati, si dhe disa ish funksionarë dhe persona zyrtarë nga sektori energjetik.

Pas lëshimit të urdhrit për ndërprerjen e procedurës hetimore, të gjithë të dyshuarit mbeten në arrati, ndërsa personi juridik i dëmtuar ka të drejtë të paraqesë padi në Prokurorinë e Lartë Publike të Shkupit brenda tetë ditëve. sa/

Foto: MIA