Munih, 7 maj 2026 (MIA) – Lojtarët e PSZH-së kanë prekur një tjetër finale të Ligës së kampionëve pasi mbrëmë luajtën baras 1-1 në ndeshjen e dytë të gjysmëfinales kundër Bajernit të Munihut. Fitorja 5:4 në ndeshjen e parë rezultoi vendimtare për PSZH-në të sigurojë vend në finale.

Për ekipin francez, kjo është finalja e tretë dhe e dyta radhazi në garën më të mirë të futbollit.

PSZH-ja kaloi në epërsi me golin e Usama Dembeles në minutën e 3-të dhe më pas me një lojë të shkëlqyer në mbrojtje nuk i lejoi rivalit të krijojë shanse për të shënuar. Bajerni shënoi golin e barazimit në kohën shtesë të pjesës së dytë përmes Hari Kejnit në minutën e 90+4.

Ndeshja finale mes Arsenalit dhe PSZH-së do të luhet më 30 maj në Budapest në orën 18.

Foto: EPA