Romë, 6 janar 2025 (MIA) - Papa Françesku e ka emëruar sot një kardinal që e ka kritikuar Donald Trampin si kryepeshkop të Uashingtonit, disa ditë para se Tramp të inaugurohet si president i SHBA-së.

Që nga viti 2015, kardinali Robert Mekelroj (70) ka qenë peshkopi i San Diegos. Aie  zëvendëson kardinalin Uilton Gregori, i cili ka drejtuar Kryedioqezën e Uashingtonit që nga viti 2019 dhe po del në pension.

Në administratën e parë të Trampit, Mekelroj e ka kritikuar ashpër planin e tij për të nisur një fushatë dëbimi masiv që përfshin miliona emigrantë që jetojnë në SHBA. Në një artikull të vitit 2017, Mekelroj u kërkoi amerikanëve të bllokonin planet, duke i thënë më vonë një reviste katolike se katolikët "nuk mund të qëndrojnë pranë dhe të shikojnë njerëzit të dëbohen". mb/

Foto: EPA