Shkup, 25 mars 2026 (MIA) - Nga sot deri më 29 mars në kompleksin "Boris Trajkovski" do të mbahet "Panairi i mobiljeve 2026", këtë vit nën slloganin "Frymëzim për çdo shtëpi". 

Ekspozuesit do të prezantojnë produkte dhe trendet më të fundit në dizajnin dhe rregullimin e hapësirës, zgjidhje inovative për jetesë moderne, ndërsa do të ketë edhe një segment të ri, i cili këtë vit është në fokus të panairit, i dedikuar për shtëpi të montuara dhe modulare. 

"Priten mbi 15.000 vizitorë dhe më shumë se 70 brende të përfaqësuara, panairi i mobiljeve paraqet një mundësi të shkëlqyer për kompanitë e kësaj industrie që të prezantojnë modelet, teknologjitë dhe konceptet e tyre para një publiki të gjerë dhe të targetuar, si dhe të vendosin bashkëpunime të reja biznesi", theksojnë organizatorët. 

Ata theksojnë se vizitorët do të mund të zgjedhin dhe blejnë mobilje nga koleksionet më të reja, zgjidhje moderne dhe enterier, elemente dekorative dhe materiale inovative për banim, zyra dhe hapësira publike. 

– E gjithë kjo do të jetë e disponueshme me zbritje speciale panairi, ndërsa në stendën e saj, Banka komerciale do t’u ofrojë vizitorëve një ofertë tërheqëse kredie dhe lehtësime financiare, përfshirë mundësi për kredi konsumatore, duke mundësuar realizimin më të lehtë të planeve të tyre për rregullimin e shtëpisë ose zgjedhjen e mobiljeve ideale.Vizitorët do të kenë mundësi gjithashtu të informohen drejtpërdrejt për kushtet, të marrin këshilla dhe të njihen me zgjidhjet financiare që banka ofron për pajisjen dhe rregullimin e shtëpisë", thuhet në njoftim.

"Panairi i mobiljeve 2026" për vizitorët do të jetë i hapur çdo ditë nga ora 10 deri në orën 20, ndërsa në ditën e fundit (e diel, 29 mars) do të punojë nga ora 10 deri në orën 17. Me biletën e blerë për panairin, e cila kushton 150 denarë, fitohet një vauçer falas për kafe nga Saccaria. qa/

Foto: "Panairi i mobiljeve 2026"