Shkup, 4 maj 2026 (MIA) - Në vendin tonë sot shënohen 123 vite nga vdekja e revolucionarit maqedonas dhe luftëtarit për liri, Goce Dellçev.

Delegacione të shumta dhe qytetarë sot do të vendosin lule dhe do të shprehin nderime në varrin e Dellçevit në kishën "Shën Spasi", ndërkaq është paraparë shërbesë përkujtimore në Kishën ortodokse të Maqedonisë - Arqipeshkvia e Ohrit, ku është paralajmëruar pjesëmarrja e kryeministrit, Hristian Mickoski.

Lule në vendin e tij prehës, siç është paralajmëruar, mes të tjerëve, do të vendosë lule delegacioni i Kuvendit në prëbërje të Velika Stojkova-Serafimovskës dhe Fatmir Bytyqit.

Me rastin e shënimit të 123-vjetorit të vdekjes së Goce Dellçevit, ndërkaq në Qeveri do të mbahet tribunë e titulluar "Themeli i shtetësisë - vizion për të ardhmen".

Në tribunë do të marrin pjesë minsitrja e Arsimit dhe Shkencës, Vesna Janevska, ministri i Punëve të Jashtme dhe Tregtisë së jashtme, Timço Mucunski, minsitri i Kulturës dhe Turizmit, Zoran Ljutkov si dhe Jovica Kinçevski, drejtor i Bibliotekës nacionale universitare.

Në Kuvend do të ndahet çmimi shtetëror "Goce Dellçev" për vitin 2026 për realizime me rëndësi të posaçme në interes të Republikës së Maqedonisë së Veriut në fushën e shkencës.

Në nder të veprimtarisë mësimdhënëse, vizionit dhe misionit të mësuesit Goce Dellçev, ndërkaq me rastin e 123-vjetorit të vdekjes së tij, Universiteti Goce Dellçev (UGD) dhe Komuna e Shtipit sot tradicionalisht organizojnë ngjarje në oborrin e Rektoratit të UGD-së (Novo Sello).

Manifestimi do të përfundojë me vendosjen e luleve para përmendores së Goce Dellçevit.

Dellçev, i cili para më shumë se një shekulli e kuptoi botën si fushë për garë kulturore të popujve, u vra nga ushtria osmane më 4 maj të vitit 1903 në fshatin Banicë, rrugës drejt Serit.

Foto МIА arkivi, Qeveria, UGD