Vjenë, 8 nëntor 2025 (MIA) - Një furgon që transportonte gazetarë austriakë dhe spanjollë u sulmua nga një dron pranë vijës së frontit në Ukrainën lindore, njoftoi sot Korporata Austriake e Transmetimeve (ORF).

Në automjet ka qenë edhe korrespondenti i ORF-së, Kristian Vershic.

"Një dron na goditi, por për fat të mirë jemi të gjithë mirë", shkroi Vershic në Instagram, ku postoi një video të incidentit të filmuar me telefonin e tij celular. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Christian Ferdinand Wehrschütz (@wehrschutzchristian)

Sipas ORF-së, sulmi ndodhi në rajonin e Donjeckut, derisa gazetarët po udhëtonin me organizatën humanitare "Proliska" drejt qytetit Kostjantinovka.

Në video shihet si pasagjerët largohen nga automjeti, e ndjekur nga një shpërthim, e më pas vërehen mbetjet e djegura dhe tym. 

 Foto: Arkivi/ilustrim