Shkup, 6 mars 2026 (MIA) - Në përputhje me ndryshimet ligjore në pjesën e procedurës administrative që lidhet me patentat dhe mënyrën e zbatimit të sanksionit kundërvajtës "Ndalim i drejtimit të mjetit motorik", të përcaktuar me vendime gjyqësore përfundimtare, zbatimi i ndalimit nuk kryhet më duke e futur fizikisht atë në patentë. Kjo eliminon nevojën që qytetarët të paguajnë shtesë për lëshimin e një lejeje të re drejtimi me ndalim të futur, me të njëjtën periudhë vlefshmërie. Në vend të kësaj, është vendosur një sistem njoftimi digjital përmes dy mesazheve me tekst (SMS) dhe postës elektronike (e-mail), njofton Ministria e Punëve të Brendshme (MPB).

Procesi i njoftimit dhe fillimi i ndalimit, siç thonë ata, është në dy faza, përkatësisht pranohen dy mesazhe, ndërsa ndalimi fillon nga momenti i marrjes së mesazhit të dytë.

"Qytetarët do ta marrin mesazhin e parë afërsisht shtatë ditë pas plotësimit të deklaratës me të dhënat e kontaktit. Ky mesazh përmban informacione për llojin dhe kohëzgjatjen e ndalimit të vendosur. Tetë ditë pas marrjes së mesazhit të parë, qytetarët do të marrin mesazh të dytë. Ndalimi i drejtimit të automjeteve fillon zyrtarisht që nga momenti i marrjes së mesazhit të dytë", saktësojnë nga Ministria e Punëve të Brendshme.

Ata theksojnë se në fazën tjetër, Ministria do të mundësojë që zbatimi i ndalimit të fillojë menjëherë pasi të përditësohen të dhënat.

Qëllimi i vizitës, siç theksojnë ata, është paraqitja dhe përditësimi i të dhënave personale të kontaktit (numri i telefonit celular dhe adresa e email-it), i cili është një parakusht i domosdoshëm për ekzekutimin e saktë dhe në kohë të sanksionit dhe shmangien e keqkuptimeve shtesë. mb/

Foto: MIA