Shkup, 24 nëntor 2024 (MIA) - Moti sot në mëngjes është i kthjellët dhe shumë i ftohtë, ndërsa gjatë ditës do të jetë me diell dhe me vranësira të vogla. Do të fryjë erë e lehtë kryesisht nga drejtimi veriperëndimor. Temperatura minimale do të jetë në interval prej -11 deri në -2 gradë, ndërsa maksimalja do të arrijë nga 5 deri në 12 gradë Celsius.

Edhe në Shkup në mëngjes do të jetë ftohtë, ndërsa gjatë ditës me vranësira të vogla dhe qetë. Temperatura minimale do të bie deri në -6 gradë, ndërsa maksimalja do të arrijë 8 gradë.

Sipas paralajmërimeve të Drejtorisë për Punë Hidrometeorologjike (DPHM), vijon periudha e motit stabil me temperatura të ulëta të mëngjesit të cilat deri kah mesi i kësaj jave gjithkund do të jenë negative, ndërsa në disa vende do të bien edhe nën -10 gradë. Temperaturat e ditës do të jenë në rritje. Nëpër lugina të veçanta do të ketë paraqitje të mjegullës dhe vranësirave të ulëta. 

Foto: Arkivi i MIA-s