Shkup, 11 maj 2026 (MIA) - Në Ministrinë e Drejtësisë sot u mbajt takimi i grupit punues për Kodin Zgjedhor, në të cilin u arrit marrëveshje për ndryshimin e dhjetë neneve, në përputhje me rekomandimet e OSBE-së dhe ODIHR-së. Në takim morën pjesë përfaqësues të të gjitha partive politike, përveç LSDM-së.

Antonio Miloshoski, nënkryetar i Kuvendit dhe deputet nga radhët e VMRO-DPMNE-së, i cili përfaqëson partinë në grupin punues, vlerësoi për MIA-n se takimi ishte produktiv dhe se u arrit konsensus për harmonizimin e dhjetë neneve të Kodit Zgjedhor, në përputhje me rekomandimet e OSBE-së dhe ODIHR-së.

Përfaqësuesit e partive politike ranë dakord për nenet që kanë të bëjnë me përdorimin e fondeve buxhetore të institucioneve në fushatën zgjedhore, përdorimin e profileve zyrtare të institucioneve në rrjetet sociale gjatë zgjedhjeve dhe fushatës zgjedhore, reklamat dhe procedurat për punësim, si dhe përjashtimin e personave me profesione të caktuara nga procesi zgjedhor, siç është personeli mjekësor. Një pjesë e harmonizimit ka të bëjë edhe me subjektet që marrin listën e votuesve dhe afatet brenda të cilave.

Takimi i radhës, siç tha Milloshoski për MIA-n, duhet të mbahet më 20 maj, gjithashtu në Ministrinë e Drejtësisë.

Në takimin e sotëm morën pjesë përfaqësues të VMRO-DPMNE-së, BDI-së, Aleancës për Shqiptarët, VLEN-it, LDP-së, ZNAM-it, Të Majtës dhe të tjerë.

Seancat e grupit punues në Ministrinë e Drejtësisë për Kodin Zgjedhor, i cili është pjesë e agjendës reformuese, i kryeson ministri i Drejtësisë, Igor Filkov. mb/

Foto: MIA