Shkup, 30 prill 2026 (MIA) - Kryeministri Hristijan Mickoski informoi se sot është mbajtur takim kushtuar agjendës reformuese, në të cilin janë diskutuar prioritetet kryesore dhe drejtimet për veprim të mëtejshëm.

Në një postim në profilin e tij në Fejsbuk, Mickoski thekson se pjesëmarrësit në takim ranë dakord që reformat duhet të jenë gjithëpërfshirëse, të qëndrueshme dhe të përqendruara në rezultate konkrete me ndikim pozitiv tek qytetarët, duke propozuar gjithashtu hapa specifikë për përmirësimin e proceseve, si dhe një afat kohor për zbatimin e tyre.

"Sot zhvilluam një takim kushtuar agjendës së reformave, gjatë të cilit u shqyrtuan prioritetet kryesore dhe drejtimet për veprime të mëtejshme. Gjatë diskutimit u theksuan nevojat për përmirësimin e efikasitetit institucional, rritjen e transparencës dhe forcimin e mekanizmave të llogaridhënies. Pjesëmarrësit ranë dakord që reformat duhet të jenë gjithëpërfshirëse, të qëndrueshme dhe të përqendruara në rezultate konkrete që do të kenë një ndikim pozitiv tek qytetarët", thotë Mickoski.

Sipas tij, takimi përfundoi me përfundimin se nevojitet koordinim dhe monitorim i vazhdueshëm i progresit për zbatimin me sukses të agjendës së reformave.

"Takimi përfundoi me konkluzionin se nevojitet koordinim dhe monitorim i vazhdueshëm i progresit, me qëllim zbatimin me sukses të agjendës reformuese", thotë Mickoski. sa/

Foto: Fejsbuku i Hristijan Mickoskit